ನಿಮ್ಮ ಮನೆಗೆ ಲೈಟ್ನಿಂಗ್ ಇನ್ಶೂರೆನ್ಸ್ ಕವರೇಜ್

ನಿಮ್ಮ ಜೀವಮಾನದ ಅತ್ಯಂತ ಪ್ರಮುಖ ಮತ್ತು ದುಬಾರಿ ಹೂಡಿಕೆ ಎಂದರೆ ಮನೆ ಖರೀದಿಸುವುದು. ಹಾಗಾಗಿ, ಸಿಡಿಲು, ಭೂಕಂಪ ಮುಂತಾದ ನೈಸರ್ಗಿಕ ವಿಕೋಪಗಳಿಂದ ಅದನ್ನು ಕಾಪಾಡುವುದು ಬಹಳ ಮುಖ್ಯ. ನೈಸರ್ಗಿಕ ವಿಪತ್ತುಗಳು ಹೇಳಿಕೇಳಿ ಬರುವುದಿಲ್ಲ. ಅದರಲ್ಲೂ ಸಿಡಿಲು, ನಿಮ್ಮ ಆಸ್ತಿಗೆ ಭೀಕರ ಅಪಾಯ ತಂದೊಡ್ಡುತ್ತದೆ. ಏಕೆಂದರೆ ಇದು ಬೆಂಕಿ ಸೃಷ್ಟಿಸುತ್ತದೆ, ವೈರಿಂಗ್‌ ಸುಟ್ಟುಹಾಕುತ್ತದೆ, ಶಾರ್ಟ್‌ ಸರ್ಕ್ಯೂಟ್‌ ಉಂಟುಮಾಡುತ್ತದೆ ಮತ್ತು ಎಲೆಕ್ಟ್ರಿಕಲ್ ಅಪ್ಲಾಯನ್ಸ್‌ಗಳನ್ನು ಹಾಳುಮಾಡುತ್ತದೆ. ಇದು ವಿದ್ಯುತ್ ಏರಿಳಿತಕ್ಕೂ ಕಾರಣವಾಗಬಹುದು. ಇದರಿಂದ ಮನೆಯಲ್ಲಿರುವ ಫಿಟ್ಟಿಂಗ್‌ಗಳು, ಪೀಠೋಪಕರಣಗಳು ಮತ್ತು ಗೃಹೋಪಯೋಗಿ ವಸ್ತುಗಳು ಹಾಳಾಗಬಹುದು. ಕೆಲವು ಸಂದರ್ಭಗಳಲ್ಲಿ, ಸಿಡಿಲು ಬಡಿದ ನಂತರ ಇಡೀ ಮನೆಯ ಮರುನಿರ್ಮಾಣ ಮಾಡಬೇಕಾಗಬಹುದು. ಇದು ನಿಮ್ಮ ಹಣಕಾಸಿಗೂ, ಮನಸ್ಸಿಗೂ ಸಾಕಷ್ಟು ಘಾಸಿ ಮಾಡಬಹುದು.

ಅಂತಹ ವಿಕೋಪಗಳನ್ನು ನಿಯಂತ್ರಿಸಲು ಅಥವಾ ತಡೆಗಟ್ಟಲು ನೀವು ಏನನ್ನೂ ಮಾಡಲು ಸಾಧ್ಯವಿಲ್ಲದಿದ್ದರೂ, ಸಿಡಿಲಿನ ವಿರುದ್ಧ ಕವರೇಜ್‌ ನೀಡುವ ಸಮಗ್ರ ಹೋಮ್ ಇನ್ಶೂರೆನ್ಸ್ ಅಂತೂ ಖಂಡಿತ ಖರೀದಿಸಬಹುದು. ಈ ಕವರ್, ಮನೆಯ ಭಾಗಗಳಿಗೆ ಉಂಟಾದ ಹಾನಿಗಳು ಮಾತ್ರವಲ್ಲದೆ, ಫಿಕ್ಚರ್‌ ಮತ್ತು ಫಿಟ್ಟಿಂಗ್‌ಗಳು, ಎಲೆಕ್ಟ್ರಿಕಲ್ ಅಪ್ಲಾಯನ್ಸ್‌ಗಳು ಮತ್ತಿತರ ವಸ್ತುಗಳಿಗೆ ಉಂಟಾಗುವ ಹಾನಿಗಳನ್ನು ಕೂಡ ಕವರ್ ಮಾಡುತ್ತದೆ. ಲೈಟ್ನಿಂಗ್ ಕವರೇಜ್ ಒಂದು ಸ್ಟ್ಯಾಂಡ್‌ಅಲೋನ್ ಪಾಲಿಸಿಯಾಗಿ ಲಭ್ಯವಿಲ್ಲದಿದ್ದರೂ, ಅದನ್ನು ಹೋಮ್ ಇನ್ಶೂರೆನ್ಸ್ ಪ್ಲಾನ್‌ ಜೊತೆಗೆ ಸೇರಿಸಬಹುದು.