ನಿಮ್ಮ ಮನೆಗೆ ಲ್ಯಾಂಡ್‌ಸ್ಲೈಡ್ ಇನ್ಶೂರೆನ್ಸ್ ಕವರೇಜ್

ಭೂಕುಸಿತಕ್ಕೆ ಕಾರಣವಾಗುವ ಅಂಶಗಳು

ಗುರುತ್ವಾಕರ್ಷಣೆಯ ಪ್ರಭಾವದ ಅಡಿಯಲ್ಲಿ ಭೂಮಿ ಅಥವಾ ಕಲ್ಲುಗುಡ್ಡೆಗಳು ಇಳಿಜಾರಿನ ಕಡೆಗೆ ಜಾರಿಬೀಳುವುದೇ ಭೂಕುಸಿತ. ಭೂಕುಸಿತಗಳು ಹಲವಾರು ಕಾರಣಗಳಿಂದ ಉಂಟಾಗಬಹುದು. ಅಂತಿಮವಾಗಿ, ಭೂಮಿ ಸಡಿಲವಾಗುತ್ತದೆ ಮತ್ತು ಅದರ ಮೇಲಿನ ಆಸ್ತಿಗಳು ನಾಶವಾಗುತ್ತವೆ. ಹಿಂದೆ, ಹಲವಾರು ಅಂಶಗಳಿಂದಾಗಿ ಭಾರತದಲ್ಲಿ ಕೆಲವು ಗಂಭೀರ ಮತ್ತು ಮಾರಕ ಭೂಕುಸಿತಗಳಾಗಿವೆ. ಉತ್ತರ ಮತ್ತು ಈಶಾನ್ಯ ಭಾರತದಲ್ಲಿ ಹಿಮಾಲಯ ಪ್ರದೇಶ ಮತ್ತು ಪಶ್ಚಿಮ ಘಟ್ಟಗಳು ಮತ್ತು ಪೂರ್ವ ಘಟ್ಟಗಳ ಭಾಗಗಳು ವಿಶೇಷವಾಗಿ ಭೂಕುಸಿತದ ಅಪಾಯದಲ್ಲಿವೆ. ಭೂಕುಸಿತಕ್ಕೆ ಕಾರಣವಾಗುವ ಕೆಲವು ನಿರ್ದಿಷ್ಟ ಅಂಶಗಳು ಈ ಕೆಳಗಿನಂತಿವೆ:

• ಭೂಕಂಪನ ಚಟುವಟಿಕೆಗಳು - ಭೂಕುಸಿತಗಳು ಇತರ ಕಾರಣಗಳ ಜೊತೆಗೆ ಭೂಕಂಪನ ಚಟುವಟಿಕೆಗಳಿಂದ ಉಂಟಾಗಬಹುದು. ಭೂಕಂಪವು ಪರ್ವತ ಪ್ರದೇಶವನ್ನು ಅಲುಗಾಡಿಸುತ್ತದೆ ಮತ್ತು ಭೂಕಂಪಗಳ ತೀವ್ರತೆ ಹೆಚ್ಚಾದಂತೆ ಭೂಕುಸಿತದ ಅಪಾಯವು ಹೆಚ್ಚಾಗುತ್ತದೆ. 2015 ರಲ್ಲಿ, ನೇಪಾಳ ಭೂಕಂಪವು ಸುಮಾರು 10,000 ಭೂಕುಸಿತಗಳನ್ನು ಉಂಟುಮಾಡಿತು, ಇದು ಅನೇಕ ಮೂಲಸೌಕರ್ಯಗಳು ಮತ್ತು ಆಸ್ತಿಗಳನ್ನು ಗಣನೀಯವಾಗಿ ಹಾನಿಗೊಳಿಸಿತು.


• ಧಾರಾಕಾರ ಮಳೆಯಿಂದ ಉಂಟಾಗುವ ಪ್ರವಾಹ - ಭಾರೀ ಮಳೆಯು ಮಣ್ಣನ್ನು ಸಡಿಲಗೊಳಿಸುತ್ತದೆ ಮತ್ತು ಇದರಿಂದ ತೇವಾಂಶ ಹೆಚ್ಚಾಗುತ್ತದೆ. ಇದು ಮಣ್ಣು ಹರಿದುಹೋಗಲು ದಾರಿ ಮಾಡುತ್ತದೆ. ಅಂದರೆ ಮಳೆ ನೀರು ಮಣ್ಣಿನೊಂದಿಗೆ ಸೇರಿ ಹರಿದು ಗಟ್ಟಿ ಇರದ ಭೂಮಿಯು ಭೂಕುಸಿತಕ್ಕೆ ತುತ್ತಾಗುತ್ತದೆ.


• ಹವಾಮಾನ ಬದಲಾವಣೆಯಿಂದಾಗಿ ಪ್ರವಾಹ: ಜಾಗತಿಕ ತಾಪಮಾನ ಏರಿಕೆಯಿಂದಾಗಿ ಹವಾಮಾನ ಬದಲಾವಣೆಯು ಸಾಮಾನ್ಯವಾಗಿ ಸರಾಸರಿ ತಾಪಮಾನವನ್ನು ಹೆಚ್ಚಿಸಬಹುದು. ಇದು ಪರ್ವತಗಳ ಮೇಲಿರುವ ಹಿಮನದಿಗಳು ವೇಗವಾಗಿ ಕರಗಲು ಕಾರಣವಾಗುತ್ತದೆ. ಮುಂದೆ ಇದರಿಂದ ಹಠಾತ್ ಮಳೆ ಮತ್ತು ನದಿಗಳ ಪ್ರವಾಹ ಹಾಗೂ ಭೂಕುಸಿತಗಳು ಸಂಭವಿಸಬಹುದು.


• ಅತಿಯಾದ ಮೇಯಿಸುವಿಕೆ ಮತ್ತು ಅತಿಯಾದ ಪರ್ವತ ಭೂ ಬಳಕೆ: ಅತಿಯಾದ ಮೇಯಿಸುವಿಕೆ, ರಸ್ತೆಗಳ ನಿರ್ಮಾಣ, ಅತಿಯಾದ ಗಣಿಗಾರಿಕೆ ಮತ್ತು ಇತರ ನಿರ್ಮಾಣ ಕಾರ್ಯಗಳು ಮಣ್ಣು ಸಡಿಲಗೊಳ್ಳಲು ಕಾರಣವಾಗಬಹುದು ಮತ್ತು ಇದರಿಂದ ಭೂಮಿಯು ಸಡಿಲವಾಗುತ್ತದೆ. ಇಂತಹ ಭೂಮಿಯು ಭೂಕುಸಿತಕ್ಕೆ ಗುರಿಯಾಗುತ್ತದೆ


• ಕುರುಚಲು ಬೆಂಕಿ: ಮರದ ಬೇರುಗಳು ಮಣ್ಣನ್ನು ಗಟ್ಟಿಯಾಗಿ ಹಿಡಿದುಕೊಳ್ಳುತ್ತವೆ. ಇಂತಹ ಮರಗಳು ಕುರುಚಲು ಬೆಂಕಿಯಿಂದ ಹಾನಿಯಾದಾಗ, ಆ ಮಣ್ಣು ಸಡಿಲವಾಗಿ ಭೂಕುಸಿತ ಆಗುವ ಸಾಧ್ಯತೆ ಇದೆ.