ನಿಮ್ಮ ಮನೆಗೆ ರೆಫ್ರಿಜರೇಟರ್ ಇನ್ಶೂರೆನ್ಸ್ ಕವರೇಜ್

ರೆಫ್ರಿಜರೇಟರ್‌ ಇಲ್ಲದ ಆಧುನಿಕ ಮನೆಗಳನ್ನು ಊಹಿಸಿಕೊಳ್ಳುವುದೂ ಅಸಾಧ್ಯ. ತಂತ್ರಜ್ಞಾನ ಪ್ರಗತಿಯಿಂದಾಗಿ, ಇವತ್ತಿನ ಬಹುತೇಕ ರೆಫ್ರಿಜರೇಟರ್‌ಗಳು ತಮ್ಮ ಕಾರ್ಯಕ್ಷಮತೆ ಹೆಚ್ಚಿಸುವ ಸುಧಾರಿತ ಫೀಚರ್‌ಗಳೊಂದಿಗೆ ಬಳಕೆದಾರರಿಗೆ ಅನುಕೂಲ ಒದಗಿಸುತ್ತಿವೆ. ಅಂತಹ ಅತ್ಯಾಧುನಿಕ ರೆಫ್ರಿಜರೇಟರ್‌ಗಳಿಗೆ ಬೆಲೆಯೂ ಜಾಸ್ತಿ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಇದೇ ಕಾರಣಕ್ಕಾಗಿ, ಹೋಮ್ ಇನ್ಶೂರೆನ್ಸ್ ಖರೀದಿಸುವಾಗ, ನಿಮ್ಮ ಪಾಲಿಸಿಯ ಅಡಿಯಲ್ಲಿ ರೆಫ್ರಿಜರೇಟರ್‌ಗಳಂತಹ ಉಪಕರಣಗಳನ್ನು ಕವರ್ ಮಾಡುವುದು ಬಹಳ ಮುಖ್ಯ.

ಅದಲ್ಲದೆ, ನೀವು ಈ ಉಪಕರಣ ಖರೀದಿಸಲು ಹತ್ತಾರು ಸಲ ಯೋಚಿಸಿರುವುದರಿಂದ, ನೀವು ಖಂಡಿತ ಅದನ್ನು ಕಾಪಾಡಿಕೊಳ್ಳಲು ಬಯಸುತ್ತೀರಿ ಮತ್ತು ಯಾವುದೇ ಹಾನಿ ಅಥವಾ ಬ್ರೇಕ್‌ಡೌನ್ ತಡೆಗಟ್ಟಲು ಅದನ್ನು ಜೋಪಾನವಾಗಿ ಬಳಸುತ್ತೀರಿ. ಯಾಕೆಂದರೆ, ಅದಕ್ಕೆ ಸಣ್ಣಪುಟ್ಟ ಹಾನಿಯಾದರೂ, ನಿಮ್ಮ ಹಣಕಾಸಿಗೆ ದೊಡ್ಡ ಹೊಡೆತ ಬೀಳುತ್ತದೆ. ಆದರೆ, ನೀವು ಎಷ್ಟೇ ಎಚ್ಚರಿಕೆ ವಹಿಸಿದರೂ, ಕೆಲವು ಸನ್ನಿವೇಶಗಳು ನಮ್ಮ ನಿಯಂತ್ರಣದಲ್ಲಿ ಇರುವುದಿಲ್ಲ. ಬೆಂಕಿ, ಸಿಡಿಲು, ಸೈಕ್ಲೋನ್, ಭೂಕಂಪ, ಪ್ರವಾಹ, ಕಳ್ಳತನ ಅಥವಾ ದರೋಡೆ, ಇತ್ಯಾದಿಗಳು ಹೇಳಿಕೇಳಿ ಬರುವುದಿಲ್ಲ. ಹಾಗಾಗಿ, ರೆಫ್ರಿಜರೇಟರ್‌ಗೆ ಆಗುವ ವ್ಯಾಪಕ ಶ್ರೇಣಿಯ ಅಪಾಯಗಳನ್ನು ಕವರ್ ಮಾಡುವ ಇನ್ಶೂರೆನ್ಸ್ ಖರೀದಿಸುವುದು ಅಗತ್ಯವಾಗಿದೆ. ಹಲವಾರು ಹೋಮ್ ಇನ್ಶೂರೆನ್ಸ್ ಪಾಲಿಸಿಗಳು ಎಲೆಕ್ಟ್ರಾನಿಕ್ ಅಪ್ಲಾಯನ್ಸ್‌ಗಳಿಗೆ ಆ್ಯಡ್-ಆನ್ ಕವರ್ ನೀಡಿದರೂ ಕೂಡಾ, ಅದರಲ್ಲಿ ರೆಫ್ರಿಜರೇಟರ್‌ಗೂ ಕವರೇಜ್ ಇದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ಪ್ರೀಮಿಯಂ ಮೇಲೆ ಪರಿಣಾಮ ಬೀರುವ ಅಂಶಗಳು

ಮೊತ್ತವು ಪ್ರೀಮಿಯಂ ವೆಚ್ಚ ಮತ್ತು ಅದರೊಂದಿಗೆ ಬರುವ ಕವರೇಜ್ ಅನ್ನು ಪ್ರಭಾವಿಸುವ ಹಲವಾರು ಅಂಶಗಳನ್ನು ಅವಲಂಬಿಸಿರುತ್ತದೆ. ಅದರ ವಿವರ ಹೀಗಿದೆ:

• ರೆಫ್ರಿಜರೇಟರ್‌ನ ವಿಮಾ ಮೊತ್ತ: ವಿಮಾ ಮೊತ್ತದ ಆಧಾರದ ಮೇಲೆ, ರೆಫ್ರಿಜರೇಟರ್‌ನ ಬೇರೆಬೇರೆ ಮಾಡೆಲ್‌ಗಳಿಗೆ ಬೇರೆಬೇರೆ ಪ್ರೀಮಿಯಂ ವಿಧಿಸಲಾಗುತ್ತದೆ.


• ಅವಧಿ: ಪ್ಲಾನ್ ಅವಧಿ ಮತ್ತು ಕವರೇಜ್ ಪ್ರಕಾರ ಪ್ರೀಮಿಯಂ ಮೊತ್ತವು ಬದಲಾಗುತ್ತದೆ.